| 米曹 的个人资料米曹不想長大日志列表 |  工具  帮助 |
APS一個生不蓬時菲林...出o左一陣..dc 就好似痴o左線咁成行成列... 當年 ixus o既機種真係好型..超細 size 又超輕便... 無心插柳底下...30 蚊買o左呢部 L1 返o黎... d 相質數唔知點呢...唔知會唔會好難玩呢???  拜拜 Logitech跟o左我 7 年o既 keyboard & mouse...終於要走了.. 隨o左新機無o左 ps2 之外...就係隻 mouse 都死死地了... 一 click 就等於 double click 了... 本來想繼續買返 Logitech ...不過好貴喎... 結果就買了 mic 記...3 年一換一... 話就話係 laser mouse..但係我都係鍾意 optical 多 d 呀... laser 都好似 lag lag 地o既...   8月25日 演o野 ?? 妒忌 ??事綠係有個人...o係好短o既時間換o左幾部機... 而每部機都係一 d 最 top o既 model... 跟住再o岩o岩出o左個 post 係換o左 1Dm3  咁個人個 post 都係話好開心咁入o左部機... 不過..就有人覺得佢係似 show off 多 d... 咁支持個人o既就話呢班人其實妒忌人地有錢先話佢演o野... 結果就一班人o係度罵戰... 其實我o既角度o黎講...首先我唔會入 1Dm3  我都好鍾意睇人地 d 開箱文..特別係 mobile01 o既開箱文真係好有水準!! 你話 d 人寫開箱文係想 show off 定係分享呢... mobile01 o既我就真係覺得作者好有心機...真係想同大家分享o既... 至於本地o既...就真係唔敢講係咪 show off 啦... 不過人地有錢買...係人地o既事囉... 好似有好多人都成日樓換樓...車換車o架啦... 人地買得起o既...唔好理佢係咪日日捱麵包啦... 係自己角度...咁樣換法就真係有點兒那個... 學某君話齋: 話你戇尻怕你嬲...所以呢 d o野都係睇完算...  http://www.dchome.net/viewthread.php?tid=395973&extra=page%3D1 The Simpsons Movie見佢上電影...當然要去睇啦... 想當年個個禮拜都會追o黎睇... 不過呢套o野千祈唔好睇中文版...真係核突到爆... 完全無晒 simpsons 個味道呀!! 其實個故仔都幾無聊...homer 無理頭養隻豬... 又因為佢將 d 豬便便倒o左落個湖而發生o既環保事件... 全套戲不斷玩返其他戲o既經典...如果無睇過之前 d 戲... 真係有少少唔識笑...最正就係 homer 同老婆親熱時... 玩埋迪士尼白雪公主o個 part..真係笑死你... ★★★★☆ 8月13日 Keroro 軍曹2 深海的公主真係唔明點解香港會將佢改過咁核突o既名...KERORO 軍曹大電影2：決戰水著兵團... 係..雖然夏美件衫又真係好性感...但都唔係水著o黎o架喎... 真係唔知改名條友諗 d 乜... 相比第一集..呢集好好多啦...起碼唔會睇到眼訓... 不過唔知係咪真係太多太濫...已經提唔係當日o既興趣... ★★★☆☆ 五星級大鼠今年 pixar o既戲...d CG 唔洗講...真係越o黎越正... 真係條毛都睇得清清楚楚咁...不過...會唔會真係過o左火位呢? 我都係鍾意返 d 圓圓滑滑...唔洗咁 details o既卡通公仔多 d... 今次故仔個主角係隻老鼠...其實簡單講...即係叫人唔好認命... 雖然屋企人/朋友個個都唔睇好佢可以做到大廚...但係佢自己就無放棄... 冒住身命危險咁去達成目標...一貫迪士尼o既教育意義啦... ★★★☆☆ 醜女大翻身估佢唔到幾好睇喎...完全講出o左今時今日呢個人靠外表/衣裝o既社會... 其實阿漢娜都有付出過..佢真係自己減肥喎... 佢都真係好積極o者...為o左個男仔...真係走去全身整容... 其實套戲都係講佢整完容點迷失o左...之後又點樣搵返自己... 再大團圓結局咁...再加少少感動位咁啦.. 套戲最搶o既就係隻狗...一作狀 bang 佢一o下就識扮死.. 令我諗起小新隻小白.... ★★★★☆ 8月6日 lucky 仔見到一堆史迪仔俾人困住o係櫃..我呢 d 咁好心o既人更係要拯救佢啦.. 咁就即刻去換銀仔..1 蚊個...50 蚊 55 個...100 蚊 125 個.. 咁更係換 100 蚊救多幾隻出o黎啦... 點知原來換完 100 蚊有得玩抽獎.. 只要"手禁"一下個緊急制..就會有個轉盤轉o下睇o下去到咩顏色拿獎品.. 當我都未睇到有咩禮物時...個姐姐就已經好開心咁話.. 嘩..大獎呀..抽中 50 個金幣呀!!! 可惜我去救史迪仔時...當個夾夾起o左史迪仔... 佢都再跌返落去...拯救行動失敗   8月5日 不能說的秘密今次呢套o野真係有好大驚喜... d 景靚就不在話下...故仔亦都好正... 而阿黃秋生就真係非常正...做一個老師爸爸好攪笑.. 最尾以為係玩鬼眼..點知原來係觸不到的戀人..呢o下真係有驚喜.. 阿周董o既表情..就真係唔洗講...成場戲都係得一個表情.. 不過塗改液畫檯面呢 part 真係勾起好多回憶... 想當年學校張檯畫公仔 / 出貓 / 寫字...真係寫o左好多枝... 但係我覺得最尾應該唔洗交待咁多..俾返 d 觀眾多 d 思想空間好 d... ★★★★☆ 8月4日 史上最難食的東西呢杯o野真係不知所謂..我唔知佢叫唔叫正宗.. 但呢間 happylemon 賣o個杯真係 難飲到爆... d 布丁一 d 甜一 d 無味..杯茶就完全無茶味... 兩樣o野溝埋一齊...真係難飲到爆... 千祈千祈唔好買!! 一萬個唔得...  8月1日 展覽喎。。。。真係有冇攪錯...又話咩展覽又盛...點知係得個台仔放兩隻o野o係度.. 再加 hk-tf d 玩具...真係啤一聲...等我專登入去... 最攪笑係...俾人上台同兩隻o野一齊影相..又唔俾人o係台上面影兩隻o野... 又無人等無人盞...影o左張就俾個阿叔影完未...真係小佢個必必呀...    變形金剛 @ megabox |
|
|
