| 米曹 的个人资料米曹不想長大日志列表 |  工具  帮助 |
|
10月28日 海洋地盤好似好耐無去過海洋公園了...點知今次去到..連門口都拆埋
 !!!成個公園好似個個地盤咁...山下面得返熊貓館同個兒童遊樂場... 之後就乜都無晒了...又唔預先講裝修緊...特價完仲要百七幾蚊... 感覺真係有點兒俾人呃喎... 行o下行o下...點解咁似大陸 d 遊樂場o既 !!! 唔係講笑...越行越似...我諗佢真係要重新再執過 d o野啦... 首先起碼執一執 staff d 衫先啦...再要改一改佢地o既工作態度... 同迪迪尼o既員工比..真係完全唔係o個皮... 海洋公園俾我o既感覺就係...傳統中國家族式管理... 要更成功真係應該引入其他o既管理方式啦...   唔怕死的!!!熊仔餅唔洗驚! 我唔會唔要你o既!!!   10月17日 跌市咩 ?? 未驚過 !! 從來對 nano 都無乜好感...不過 4G 真係唔同... 簡值係 mini o既迷你版...即刻唔同晒... 仲要加埋九十幾種顏色咁滯...又薄又輕... 真係要講句多謝家姐添呀... 咁係咪大跌市都要推動經濟先?? 10月12日 20 世紀少年以改篇慢畫o黎講...呢套o野真係改得好足好似... 亦都 keep 到慢畫一樣咁亂..  據聞係會有 3 部曲...第 2 集就出年年頭先有... 好在有坐到最尾...唔係都唔知... 10月7日 霑叔放假o係屋企突然睇返霑叔o既片段..係咪上幾代o既人都可以咁勁o既呢...
鬼才呢個名...霑叔真係當之無愧... 咁到肉o既歌詞都寫到...真係好拿膽o者.. 問我歡呼聲有幾多 問我悲哭聲有幾多 我如何能夠一一去數清楚 問我點解會高興 究竟點解要苦楚 我笑住回答 講一聲 我係我 無論我有百般對 或者千般錯 全心去承受結果 面對世界一切 那怕會如何 全心保存真的我 問我得失有幾多 其實得失不必清楚
我但求能夠一一去數清楚 願我一生去到終結 無論歷盡幾許風波 我仍然能夠講一聲 我係我 笑住回答 講一聲 我係我    不文集始祖真係始祖...賤到爆  |
|
|
