見迪迪尼話星期 5 開到 11 點...咁就更係要去睇o下先啦..
點知原來可怕...隨o左睇電視之外..

從未見過迪迪尼有咁多人...真係嚇死人...
間鬼酒店要排成 2 個鐘先入到去..
太空山都要排  7 個字..真係見都未見過要咁誇張..

迪迪尼今次真係要開香賓慶祝啦...




原來o係城堡後面睇煙花係"好正"o既 !!


人山人海迪迪尼 @ 黑色世界

張全年通行証都到期了..當然要去盡佢...
玩埋 last 兩日唔好蝕底...

今次試埋迪迪尼另一間酒店...感覺細一點...
無DH 咁豪莘...真係似俾細路仔同一家人住O既...
抵讚O既係酒店送上的小小禮物...加上生日卡...
雖然唔係 D 咩貴重品...總算一份小心意...

襯有機會試埋同迪迪尼朋友主理O既餐廳...食物唔洗講...真係無乜特別...
個個都係等緊迪迪尼朋友出O黎玩同影相...
諗諗下...我呢 D 間唔中先去一次半次O既人...當然覺得有趣得意...
但係扮緊公仔班演藝人員..日日都要咁出O黎跳O黎跳去...
基本上成段用餐時間佢地都o係個場度...一檯檯咁走埋去 social...
如果有小朋友o既..仲要再玩耐 d 添..
到差唔多食完o野又要一檯檯咁去 bye bye..
唔悶就假O既..真係要講聲辛苦晒!

今次入場都主要係睇o下佢個黑色世界喎..間大街酒店原來真係鬼屋o黎o既..
d 鬼好攪o野..係咁彈出o黎 dum 晒地咁嚇人..都 ok 得意o既...
試過分別夜晚同日頭入去..夜晚有多 d 鬼出o黎...
日頭就好似少鬼 d..同埋可能太外邊晒..入到去真係覺得黑得好緊要...
有 d 地方連路都睇唔到...
最仆街係玩兩次...行頭o個幾條友行行o下都縮o左去後面...
真係流爆!!
另外仲有個就係 space mountain 加o左d 鬼影燈光..
感覺佢行快o左好多...
最後就係夜晚o既新巡遊...今次個夜晚巡遊同上次 water world 一樣都唔錯..
d 演藝人真係跳得好落力..值得早少少霸定頭位睇好戲...


其他新加o既o野就係換晒新衫o既迪迪尼朋友..
唔知係咪期聖節..全部都好曳...一路影相一路同你揰o黎揰去..幾攪o野..

總結
2006 全年証入場次數 8 次
平均入場費 $81.25
結果再續未了緣


黑色世界 @ 迪士尼

開頭對呢套戲o既期望很大...點知...同其他港產片一樣...
睇完真係嚇撚死你...
先講造形...劉華一定係好憎黃日華同湯鎮業..
湯o既造形加上佢個痴肥面孔...真係好得人驚...
至於黃日華...扮龍五嗎? 成場戲載住個唔襯面形o既黑超...
真係柒到無朋友...
王於故事...社團仇殺片...殺o左上代負責人...想食o左社團..
今期負責人又要幫自己老豆報仇...點知又有腦 cancer..
又要訓練自己細佬坐自己位...
枝節有很多...可惜完全拍唔到一個吸引o既故事出o黎...
絕對係一路睇一路想捉個導演出o黎問佢究竟想拍 d 咩...
香港班電影人真係唔怪得無票房o架喎...

由我返屋企到返到公司..都會見到唔同o既人派免費報紙..
留意o左一排..發覺一個好有趣o既情況..

o係屋企附近..有一個嬸嬸..派報紙時係慢條斯理...
懶懶閒..面無半點笑容..完全係好似唔想做咁o既款...
每次我經過時..真係令我無乜意慾埋去拿份報紙..

o係公司附近...落車後會見到另一個嬸嬸..
都係派同一份報紙..而佢..滿面笑容..
仲好主動遞份報紙俾其他人..再會送上一句早晨..
每次我都好樂意同佢講聲唔該然後拿一份免費報紙..

如果我係老閜..我當然好樂意選擇後者呢個員工..
但o係我未o係老閜時..我仲要俾我老閜揀我時...
我自己又做唔做到呢個主動的員工呢?

我諗我真係唔係一個主動的員工..
睇o黎o係人地眼中...我都係第一個嬸嬸 only
睇o黎真係要向二號嬸嬸好好學習!

由開場前抱住都係咁上下o既心情入去睇..到睇完之後不禁講一聲楊千嬅 good show!
今次台上面所有o野都好襯佢..由其係 d 小千嬅..大眼晴...大咀唇...

同佢玩o野o既性格好 match..亦好明顯係食到迪迪尼條水...
知道只要搵條友著件公仔衫就大受歡迎
千嬅唱功係明顯進步o左...而佢都話今次背晒歌詞..而場中真係唔見有 plasma 提水..
梁漢文做嘉賓唱滾就好似有點兒那個..唔係話佢唱得唔好..而係佢真係剩係出o黎唱一首歌!!
之後就唔見o左...好攪笑o者...
全場第一個高潮就係古天樂出場...唔洗跳唔洗唱...剩係攬住千嬅..
就已經全場嘩然..真係估佢唔到...不過古生真係好型仔...
而第二個高潮...就係 eason 又俾全場人叫o左上台..
可惜無唱歌..剩係跳o左 part 舞..不過都睇到全場人拍爛手...



楊千嬅 2007 All About Love 演唱會

ps 豬柒o係黑暗地方真係唔掂

成 3 個鐘頭o既長片...一出字幕..我真係第一時間拍爛手掌...爭 d 想企埋起身添...
因為終於做完...呢套咁o既o野..真係睇到我呢...頭都痛埋...
首先係故仔一絕...一班學生...柴娃娃咁話話要去殺漢奸..
跟住就扮 lee 扮路...最撚攪笑係個女仔無啦啦要扮有姮驗...
就求奇搵唯一一個有經驗o既同學仔"學習"..
套戲好似講到 d 男人都係一有問題就一走了之...
王佳芝問跟邊個"學習" 時係咁...個特務上級聽王佳芝講點辛苦時又係咁...
可能張愛玲心目中所有男人都係咁...
套戲除o左睇潮衛蛋蛋...就係好多花式學o者...
真係睇 AV 都無咁多款呀

由趕功課 project 開始...每晚都會聽住 903 o既一切從音樂開始..
基本上真係陪住我過o左成個大學生涯..
但係唔知由幾時開始...d 主持換晒...
完全變o左個感覺...尢其係宜家一至五o個個"發發"...
真係完全頂佢唔順...聽到都毛管棟...
點知尋晚訓覺時...突然聽到熟識o既音樂聲..
即刻彈起身開返大聲部機...原來就係讀書時o既一切從音樂開始o既配樂!!
主持人話原來呢首歌兩年幾無播過..由尋晚開始返以後逢星期 6 / 日都會做返..
即刻播返 d 完全o岩 feel o既歌...少說話..多播歌...咁先叫一切從音樂開始呀!!!

= screen saver 唔識著...
真係好正o者...估都估唔到係會撞 power dvd...
原來好多人都有一樣o既情形..只要剷o左 power dvd 就無事..
唔知再裝返 power dvd 會唔會又揰過呢??

真係必須心狠手辣... .\_/.
機會真係轉眼就走...
好似之前見到件貨超低...如果掃佢十隻八隻..
每隻起碼賺 50%...執返一千幾百都好...
點知隨o左無晒貨...仲要連間鋪都自己加返晒價...

下次真係唔好諗咁多...先買為敬...
正所謂執輸行頭慘過敗家...唔可以再好似今次咁失敗...

唔知點解突然愛上格威龍...覺得佢真係型仔過麥加登好多...
可能係隻紫色靚...加埋枝橙色炮管...真係襯到好絕...
咁o岩又俾我見到 yahoo 有人放 (yahoo 真係害人不淺呀 ! )
仲會著燈又識叫...真係攪笑喎...