| 米曹's profile米曹不想長大BlogLists |  Tools  Help |
米曹不想長大我不想我不想不想長大 長大後世界就沒童話 |
||||
|
November 16 一人一 DSLR當全民一人一 dslr 後...全世界都好似拿住部 dslr 就識影相一樣... 上禮拜去到 1881...見到 3 條友仔...圍住個新娘影相... 後尾好似唔對路...睇 3 條友仔 d 手勢...完全唔似專業人... 再睇o下個新娘...但埋去個位...地下 d 燈打到佢鍾無艷咁... 3 條友仔仲圍埋去狂影...我先知...原來係龍友來... 點影其實都唔多關我事...最大問題係...班友仔影相個位... 係人地個通道口...block 住o左條路又唔俾人過... 其他人都好有禮貌...真係等佢地影完先過...俾著我... 真係唔知有冇咁o既耐性... 之後班友走去第二個位...我又多事o既...走過去睇人影咩... 嘩...嚇死人咩...條女都算著住件婚妙...做o既動作...係成個人爬晒o係牆... 總之就係完全同件衫唔 match o既 post...真係嚇你唔死送你史路比呀... 後尾先知...原來有成 3/4 條女o係度俾人影...應該係o個 d 一人幾百蚊影到死為止o個 d 影會... 全晚最 R 頭o既一個 post...兩條女企o係盞燈上面...唔知係咪想扮檯燈... 完全唔知佢地係想點...仲有圖中o個個唔知男定女...隔住塊玻璃狂影... 我真係無咁好o既技術囉...  人細鬼大最近又喜歡上呢個萬寧廣告...個o靚妹好攪笑... October 22 黑色馬交星期日幾年無去過澳門...今次去到真係變o左好多喎...想當年去到想搵架的士坐都難...點知今年去到邊都好...
度度都起碼有10架的士以上排晒隊等客...真係唔係睇到都唔信... 連街/酒店/商場都靜到飛起...真係點玩點轆都無問題... 最最可怕o既係...星期日出去搵o野食...一心諗住試間地道o野...點知去到見到熄晒燈拉晒閘... 原來係唔知幾時開始暫定休星期日........咁好啦...去返三元食肉丸粥啦...點知去到又係話是日休息... 唔係咁勁唔洗做星期日生意呀??? 9 點都未夠喎老細...澳門人星期日唔出街食飯o既咩?? 真係好很可怕...因為無飯食...諗住走返去另一面買個胡椒餅試o下啦... 點知去到就話o岩o岩賣晒...唔係真係黑到咁呀...我行去時仲見到三條友一路行一路咬緊... 原來就係佢o地食o左我個餅...嬲嬲地去埋個賭場睇o下會唔會食場失意...賭場就會得意... 今次勁呀...我赢o左一杯蕃茄汁...兩杯橙汁同一杯菠蘿汁....一蚊都無輸俾佢!! 今次仲睇埋 ZAiA 同新濠天地個龍滕...兩個都好得呀...其他地方都無咩點去啦...
都係睇o下 d 新酒店有幾靚...房o黎講威尼斯人就真係麻麻地...個賭場就好ok同好貴添... 仲要無好似金莎咁多免費o野飲添... October 04 守護她的 51 種方法某日o係書報攤見到有本公仔書...只係賣 10 蚊...
睇封面好似幾攪笑...原來故仔係完全唔同的..... 總共有 5 期...係講某天東京大地震後... 人類點樣由無助...軟弱...到自私...到瘋狂... 越睇越覺得沉重...原來每個人都有一個臨界點... 只要去到呢一點...就真係可以 180 度轉變... 人性的弱點呀!!!  寫字。好想寫字...好想將每日見到o既事都寫低落o黎... 但每次一對住個keyboard...寫唔夠兩行...就好似已經將成件想講o既事講晒出o黎咁... 好似完全諗唔到仲有咩字詞去描述件事咁... 想再寫深入 d 咩...完全好似空白晒咁...最後連開頭o個兩句都 del 埋... 我相信呢 d 唔叫技窮,...因為呢 d 絕對唔可以叫技... 好佩服記者fd個個禮拜寫極都有...我只係想間唔中出少少o野o者...都咁難!!!  September 29 返工時間我鍾意坐巴士返工...因為可以俾自己返工前有段時間懶懶閒 (準備開工後更懶) 先排用返好耐都無試過o既迫地鐵o黎...落車時俾個阿嬸一o野批落o黎... 我真係覺得我好似係o係個弱肉強食世界度俾柴狼食o左o既小白兔咁...適應唔到個世界... 一o野就俾人食o左咁...完全敗下來...令我更唔想要迫住車咁返工... 其實坐巴士隨o左可以懶懶閒咁返工...仲有樣好就係可以睇o下唔同o既人唔同o既態度... 呢排最鍾意睇o既就係一個派免費報紙o既女人...呢個女人非常有性格... 人o地返工已經急急腳趕住行...佢就仲會整 lee 整路... 死都唔俾份報紙人地...有得人地伸隻手o係度等佢派... d 人起碼等1X秒先可以o係佢手上拿到份報紙...睇見佢地為拿份報紙都覺得辛苦... 不過我呢 d 市區人...真係唔可以坐多過半個鐘車...坐得耐真係會嘔o架!! 所以返o既工真係要半個鐘車程內先得呀!  September 26 網誅城中熱話...莫過於阿趙小姐O既私房戲了... 一句我會將呢段片放上 youtube...趙小姐就由呢一刻起開始成名了... 本來以為自己好聰明...成段片都無影過自己個樣...就唔會俾人知...但係好明顯佢唔知道... Internet 有個叫高登o既地方...而高登起底組o既威力...更加o係比香港警方個超級電腦勁好多... 我其實好讚成警察唔好再用咩超級電腦去解決問題...佢地應該值情將 d case.. 外判晒俾高登...效果肯定比超級電腦 efficient 9 萬幾倍.... 趙小姐今次唔止成o左名...連樣 / 男朋友 / 地址 / 大學 / 中學 / 幼稚園 / ... 乜o野都一炮過俾人搵晒出o黎...個感覺就好似o係...死o左葬埋之後... 俾人掘返出o黎鞭屍一樣...好得人驚o者... 趙小姐呢次真係衰戇居同小家...對個職員有咩不滿o既...咪投訴去佢公司囉... 公司唔理囉...咪去消委會囉...做咩要放上 youtube 自己判人罪呢??? 以為自己玩緊天誅?? 自己去做埋法官呀?? 而其他人...今次玩到咁大...咩都搵晒出o黎...其實我覺得真係同趙小姐無乜分別... 一樣o係自己做o左法官個角色...仲要做埋劊子手...即時執行埋刑罰... 其實係咪需要咁呢? 正所謂禍不及妻兒...宜家簡值好似誅人九族咁...連佢身邊o既人都受到影響... 我諗趙小姐真係從來無諗過... 呢個故事教訓我地...做人應該自私 d...唔好將自己乜都放晒上網... 唔好連自己今日屙o左幾多o舊屎 / 著o左條咩色底褲 / 對襪穿o左幾多個窿 / etc 放晒上網... 以為自己無人識...就無人會睇到...你唔擔保會唔會有一日...自己會俾人去起底... 又或者...身邊o既朋友做錯事俾人起底...會俾人順手起埋o架嘛...  September 19 今期流行，流行椎名林檎Diana Mini...一部玩具膠相機...可以賣到 470 蚊...
仲要唔係話買就買...返貨永遠唔夠要買o既人多... 你想買呀?? 唔好意思無現貨...不如咁啦留名 waiting list 啦!!
一返貨就通知你o架啦!! 幾時返貨?? 我地都唔知o架喎...不過你睇我地個 list 幾長..
第一 log 貨可能都未必俾到你啦!! (!?) lomo 做生意o黎講...真係有佢一手o架...
無疑135菲林又真係吸引過110好多...起碼都仲叫方便 d...
不過係宜家呢個年代...又有邊個知 135 菲林仲可以捱多幾耐呀... 買完菲林又要去沖...其實菲林相機呢個玩意真係一個幾貴o既遊戲... 影一筒相o既成本都起碼四五十蚊 (已經係齋沖唔晒相!!) 仲要唔到晒出o黎o個刻唔知影成點... o係呢個又要即食又要快o既年代...呢個真係死穴... 不過話就話死穴...但更有班人係會懶型...人做我唔做咁...
大講用 film 機可以享受影相過程...又可以期待晒出o黎個結果...
okok...唔同你地嘈...總之手掌又係肉...手指又係肉啦... 自己鍾意玩咩就玩咩...自己唔玩咩就唔玩咩啦...
June 19 Cats《貓》無容置疑是一齣傑作。傳奇音樂劇作曲家安德烈．萊特．韋伯透過他的動人音樂， 打造讓人一聽難忘的經典名曲「Memory」，再配上如夢幻般的舞台設計、 啟發性的舞蹈演出和令人讚嘆的舞台化妝及服飾。合精彩舞蹈與歌曲的《貓》載譽歸來香港演出， 絕對是觀眾不容錯過的舞台作品。 《貓》是歷來最著名及最受人愛戴的音樂劇。這音樂劇在倫敦城西公演長達21年之久， 保持著在倫敦城西連續演出時間最長的紀錄。除此之外，它在百老匯也公演了18年， 演遍超過26個國家，大約300個城市，譯成了10種語言。 《貓》於1981年5月首次在倫敦公演。大獲好評的《貓》囊括國際多個重要獎項，創下多項重要紀錄， 包括榮獲英國奧利花年度最佳音樂劇大獎及年度最傑出音樂劇成就大獎，以及七項百老匯東尼獎。  原來上一次香港公演已經係15年前..但係點都覺得好似無咁耐... 好似都係先幾年咁..唔通時間真係過得咁快!? 相比 The Phantom of the Opera...Cats 係比較輕鬆同埋同觀眾多好多互動... 俾我O既感覺係有趣過 The Phantom of the Opera.. 又有可能係演藝個場真係好過文化中心好多...因為個台 D 佈景真係好靚... 再加埋隻隻貓都跳得超勁...真係好好睇.. 歌O黎講..隨O左 Memory...其他都好正...不過唱到街知巷聞O既 Memory 當然最多人拍掌啦.. O個兩隻眼真係好抵死...鬼死咁型...  新筆筒  June 16 爛鬼天文台又話狂風雷暴...點知就一滴雨都無... 仲要熱到飛起o左...天文台真係好鬼爛呀... 米奇米妮可以放暑假了..史迪仔搶o左佢o地個亭o黎影相..  好多好正o既史迪仔 product...可恨全部都唔o岩我.......    keep 住玩水花遊行...今次感覺好似勁o左... 真係兜頭射埋o黎...好鬼正..   全個場重點都係史迪仔..擺晒史迪仔 d 公仔... 隻藍色真係好鬼正...好有型..     同場加映 1 小熊維尼關門大吉 - 一個月咁多....  同場加映 2 傳說中o既米奇頭蠔油...實在太 over 啦!!! 不過可惜我唔食蠔油...唔知係咪特別好味..  陳皮燉雪梨...都 ok 好味..  不晴不雨 @ 迪迪尼 熱到 hihi諗住同陽光反遊戲...點知原來一 D 都唔好玩的... 真係熱到爆開O左呀~~~   好多人去摸蜆...仲好大隻O下..下次都可以去玩O下....  佢地看住 D 大樹菠蘿...一有人行埋少少就望到實一實... 放心喎..我唔好大樹菠蘿的!   古怪的咩直時間...  散晒 @ 東涌大澳 June 04 TVC因為柴九效應...多O左睇電視.. 近來愛上了兩個廣告...一個係麥當勞...一個係 CANON... 麥當勞足三兩個廣告真係勁抵死...完全係講到晒女仔O個種唔嫁又嫁O既心理... 真係每次睇到都會心微笑...  而 CANON 500D 呢個廣告...望落去個感覺好舒服... 亦令我睇完有買部 500D O既衝動... 好想坐言起行...  May 25 霑叔好勁O者..「妖與魔都說自己好」 電影《倩女幽魂 2人間道》（1990）寫的是妖魔人神大戰，但主題曲《人間道》隱含黃霑的六四情結，留意歌詞唱到：「青山處處是雨急風高 / 故園路竟是走不盡長路 / 大地舊日江山怎麼會變成血海滔滔 / 故園路怎麼儘是不歸路」這歌要待多年後，黃霑才透露創作原意。 April 17 出血物韓國 Shopping 真係絕對唔適合男性...對於我o黎講...連玩具都唔覺有... 見得最多o既玩具係遊客區度賣緊 SSP o個 D 大陸老翻老變... 結果係買o左好多襪...D 襪質地真係唔錯...好厚身...1 對 HK$10 都唔洗...真係抵到爆炸... 同埋唔知係咪多人戴帽...O個面賣O既帽真係齊款好多...O岩晒側田人去睇...  最估唔到O既係上O左飛機...先係大出血...本來都剩係買米奇... 點知又見到個 B&O 好似平過出面好多...結果就O係 3 萬尺高空轆O左張 Card 啦...   戰利品 首爾 2009 自由行 Day 8 樂天 Duty Free > 樂天百貨 > 仁川 > 香港 最後一日就當然要去樂天 Duty Free 掃o下貨啦...某 D 貨又真係平過出面喎...連佢地自己 D 本地人臨出國前都O黎買... 我諗真係抵好多...見到一團團日本客走去買 BB Cream ...真係嚇死你...某 D 貨品買完仲完出O左境先拿到...好誇張o者...  臨出機場前更係要食埋冬甩仔先啦...今期有 Teddy 樣...更係必揀啦...  等機場巴士時...側邊個檔口老闆仲出o黎用簡單o既問我係咪去仁川...係o既話呢度就o岩o架啦...嘩...有冇咁好人呀...好感動o者... Day 8 首爾 2009 自由行 Day 7 昌德宮 > 梨泰院 > 新沙 > 狎鷗亭 > 東大門 昌德宮o黎講...隨非肯星期 4 俾多幾倍錢...唔係o既話一定要跟住個 Tour Guide 行...我中途停o左o係度影相時... 成團人已經走晒...就俾個人大喝我 FOLLOW FOLLOW 返前面...好無癮...        去到梨泰院就跟住書仔搵間 Laneiage 專門店...去到間鋪...都唔似樣o既...跟住見有張 poster o係樓梯底...咪走上去望o下係咪囉... 一上到去..."隨便睇o下要 D 咩呀...可以介紹返喎..."  嘩...廣東話呀...跟住睇o下...大部份女 Sales 都係香港人...Dee 丫...好似入o左黑店咁...去梨泰院就更係要食田之食卓啦...我覺得最出色o既係佢個湯... 真係好好味...究竟個湯可唔可以添O既呢?? 由於我已經添O左飯再添O左好多小碟...我都係唔夠膽問可唔可以添湯....  去到新沙...感覺就好似去o左個勁有錢o既地方咁...隨街都係泊住 Benz / BMW / 波子... 見到大部份車行都o係晒呢度...呢度可以話係見得最多外國車o既地方啦...    行o左好耐...終於去到狎鷗亭...真係行到腳仔軟呀...亦都好容易就搵到個地標...硬係覺得水立方個 Concept o係呢度抄o既...  中途見到間 McDonalds 有 McDrive...幾想搵個紙盒扮車箱駛入去試買呀...人一世物一世呀嘛...  為o左慳時間...順便試埋樂天漢保包...但真係唔好味囉...結果都係飲返佢幾杯汽水回本算... 之後繼續迷失東大門...其實O個堆商場...如果火燭O既話都幾大鑊...真係走得返出O黎先出奇... 唔記得邊個商場o既邊一層...D 姐姐全部拋晒個胸出o黎...當堂醒神晒... Day 7 首爾 2009 自由行 Day 6 宗廟 > 士俗村 > 南大門 > 南山塔 > 東大門 話說宗廟入面全部都係各個皇帝皇后o既神位...但全部都收埋晒... 一 D 都睇唔到...入到去最吸引我o既都係 D 櫻花樹...     南大門o黎講...得返幅圖...放火燒o左佢o個條友真係好痴線...可以話係絕對痴線...  上南山 N-Tower 架欖車真係超級呃錢...一程 5 分鐘唔洗...就收幾十蚊... 上到去望返落o黎...先知原來都有好多櫻花呀...o鞋... 明明去之前見到人地去南山個 Teddy Museum 會見到好多熊扮明星... 但我去到又見唔到...返O黎再搵又見到有 D 人話係另一個先有...即係點呀....      由於唔會咁 Open 去尿兜o殊o殊...所以享受唔到呢個靚 View...亦唔知係咪會暢快 D 喎...   去o左 Forum 介紹間東大門不知名烤肉...發現其實好多香港人睇埋同一個 Forum 走去試呢間o野... 食得一餐烤肉...真係唔知叫唔叫好味...食完飯就去 DOOTA 睇o下...咁o岩大修...開得 5 層 + 兩層 Basement... 都行o左成 2 個幾鐘...真係差 D 迷失東大門呀....  Day 6 首爾 2009 自由行 Day 5 南怡島 > 春川明洞 經過尋日o既經驗...都係要買定 D o野食先對路...o係清涼里火車站出面買o既壽司...都係 HK$12...超好味...  其實南怡島感覺真係幾呃錢...唔係鍾意套劇o既...真係可以唔洗去...去到個島落船後左手邊有條木橋... 踩上去係會爛o既...真係以為o係卡通片o咁囉...成隻腳插o左落去...        好在晚餐都食到個正o野...就係勁出名o既春川炒雞...(其實唔知同明洞o個 d 係咪一樣味)...用返一般做法... 搵間最多本地人o既入去食...又真係好惹味喎...  之後坐返兩個幾鐘車返清涼里...坐o下坐o下...突然諗起...香港返深圳都唔洗 1 個鐘  Day 5 |
|||
Send a private message
Tell a friend
Add to My MSN
Add to your network
Sign up for alerts
|
|
